An Probinsiya han Sinirangan Samar in nakakarawat hin pondo tikang ha Department of Social Worker and Development (DSWD)

An Probinsiya han Sinirangan Samar in nakakarawat hin pondo tikang ha Department of Social Worker and Development (DSWD) nga igin padangat naman ha Provincial Worker and Development Office (PSWDO) ngan ha opisina ni Gobernador Ben P. Evardone.

Ini nga tambulig tikang ha nasyunal nga goberno in gin tawag nga “10M Fund Grant for Covid19 Survivors and Deceased”. Subay hini, an munisipyo han Can-avid in nagka may-ada hin baynte syete (27) CoVid 19 Survivors nga makakatagamtan hin singko mil (₱ 5,000.00) pesos kada usa. Ngan para naman han mga nagpatay dara han Covid 19 Virus, dyes mil (₱ 10,000.00) pesos an makakarawat han ira pamilya. An distribusyon han ayuda in sinuportahan ngan malipayon nga kinarawat nira Mayor Gil Norman P. Germino upod hi MSWD Officer Verina P. Amoyo ngan han mga tawo nga Covid19 Survivors.

Natabo an distribusyon han pondo han ika-25 han Mayo tuig 2021 didto ha LGU Can-avid Conference Hall. Pinangunahan ini nga programa nira PSWD Officer Josefina Calibutan, Project Coordinator Ms. Anadel U. Sual, ug han Coordinator to the Governor Joey Evardone.

VISIT US

National Road, Brgy. 4,
Poblacion, Can-avid, Eastern Samar

Office Hours

Mon – Fri 8 am – 5 pm
Saturday/Sunday Closed

HOTLINES

RHU 0917-136-7036
PNP 0998-328-6473
BFP 0916-681-2837
RESCUE 0917-118-2194
0946-331-8588

Copyright © 2020. Municipality of Can-Avid, Province of Eastern Samar. All rights reserved.

Powered by:

Official Website of the Municipality of Can-Avid